| | az | en

TƏQVİM

Be Ça Ç Ca C Ş B
1234
567891011
12131415161718
19202122232425
262728
Xəbər arxivi
Çap versiyası
06.02.2018

Azərbaycanda həyata keçirilən ölçmələrin, dövlət etalonları laboratoriyalarının fəaliyyətinin beynəlxalq tanınması təmin edilib

Avrasiya Ölkələrinin Dövlət Metrologiya Qurumlarının Əməkdaşlığı Təşkilatı “Tanınma Şəhadətnaməsi”ni Azərbaycan Metrologiya İnstitutunun nümayəndəsinə təqdim edib- FOTO

“Azərbaycan Metrologiya İnstitutu” publik hüquqi şəxsi (AzMİ) müvafiq laboratoriyalarda saxlanılan və tətbiq edilən kütlə, təzyiq, elektrik kəmiyyətləri, temperatur, sıxlıq və özlülük, ionlaşdırıcı şüalanma kəmiyyət vahidləri dövlət etalonlarının beynəlxalq səviyyədə tanınması üçün beynəlxalq tutuşdurmalarda iştirak edib və müsbət nəticələr əldə edib. Belə ki, 2017-ci ilin oktyabr-noyabr aylarında Azərbaycanda mövcud olan dövlət etalon laboratoriyalarının keyfiyyəti idarəetmə sisteminin İSO/İEC 17025 beynəlxalq standartının tələblərinə uyğunluğunun qiymətləndirilməsi məqsədilə beynəlxalq səviyyəli audit (peer review) keçirilib, auditin nəticələri Avrasiya Ölkələrinin Dövlət Metrologiya Qurumlarının Əməkdaşlığı Təşkilatında (KOOMET) müzakirə edilərək müsbət qərar qəbul olunub.

Azərbaycanın dövlət etalonları laboratoriyalarında həyata keçirilən ölçmələrin beynəlxalq səviyyədə tanınmasını təmin edən sənəd – 31 yanvar 2018-ci il tarixli QSF-R53 nömrəli “Tanınma  Şəhadətnaməsi” Braunşveyq şəhərində, Almaniya Fiziki-Texniki İnstitutunda (PTB) KOOMET-in Keyfiyyət Forumu üzrə Texniki Komitəsinin 24-cü iclasında Azərbaycan Metrologiya İnstitutunun Baş direktorunun müşaviri Azər Qurbanova təqdim edilib. Tədbirdə Almaniya, Bosniya və Herseqovina, Belarus, Kuba, Gürcüstan, Litva, Rusiya, Özbəkistan, Moldova, Tacikistan, Ukrayna  və digər ölkələrin milli metrologiya qurumlarının nümayəndələri iştirak edib.

Azərbaycanda həyata keçirilən ölçmələrin beynəlxalq tanınması və dövlət etalonları laboratoriyalarının beynəlxalq standartların tələblərinə uyğun fəaliyyətinin təsdiqi ölkəmizdə metrologiya sahəsinin inkişafını, milli etalonların, həmçinin qurum tərəfindən verilən kalibrlənmə sertifikatlarının xarici ölkələrdə tanınmasını, bu sahədə xarici ölkələrlə etibarlı əməkdaşlığın güclənməsini təmin edəcək. Bu isə öz növbəsində Azərbaycanın ixracyönümlü iqtisadi siyasətinin tərkib hissəsi kimi keyfiyyət infrastrukturu sahələrinin beynəlxalq tanınması və ticarətdə texniki maneələrin aradan qaldırılması istiqamətində vacib amillərdən biridir.

Məlumat üçün bildirək ki, ticarətdə texniki maneələrin aradan qaldırılması, keyfiyyət infrastrukturu sahələrinin beynəlxalq tələblərə uyğunlaşdırılması məqsədilə ötən il “Azərbaycan Akkreditasiya Mərkəzi” publik hüquqi şəxsi də Avropa Akkreditasiya Təşkilatına (EA) üzvlüklə bağlı müraciət etmiş və mərkəz EA-nın assosiativ üzvlüyünə qəbul edilmişdir.

21.04.2016

...Bakı şəhəri, Nizami rayonu, 8-ci km ərazisində yerləşən bazarda və bazara məxsus ərazidə yerləşən ərzaq mağazasında... 

daha ətraflı
17.09.2015

...Bakı şəhəri, Nizami rayonu, Keşlə qəsəbəsi, A.Mirzəyev küçəsi, ev 60 ünvanında Atılxanov Azər Rəşxan oğluna məxsus...

daha ətraflı
04.09.2015

...Sumqayıt şəhəri, H.Əliyev prospekti 40-cı məhəllədə yerləşən “Pompey” və Nizami Gəncəvi küçəsində yerləşən...

daha ətraflı

FƏRMAN

06.11.2017

“Sahibkarlıq sahəsində aparılan yoxlamaların dayandırılması haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2017-ci il 31 oktyabr tarixli 845-VQD nömrəli Qanununun tətbiqi və “Sahibkarlıq sahəsində aparılan yoxlamaların dayandırılması haqqında”...

daha ətraflı
VİDEO XƏBƏR
23.11.2017
Azərbaycan Akkreditasiya Mərkəzi Avropa Akkreditasiya Təşkilatının assosiativ üzvlüyünə qəbul edilib
QAYNAR XƏTT
TABE QURUMLAR
Copyright © 2010 Azərbaycan Respublikasının Standartlaşdırma, Metrologiya və Patent üzrə Dövlət Komitəsi! Bütün hüquqlar qorunur.
Sayt  Lider veb studiyası  tərəfindən hazırlanmışdır