Ölkəmizin uğurlu iqtisadi, siyasi, sosial, elmi və mədəni tərəqqisi fonunda dövlət və qeyri-dövlət qurumlarında idarəetmənin keyfiyyətinin yüksəldilməsi, insan kapitalının və milli mütəxəssislərimizin inkişaf etdirilməsi, şəffaflığın və maliyyə vəsaitindən istifadədə səmərəliliyin artırılması, eləcə də sağlam sahibkarlıq subyektlərinin formalaşması və inkişafı, yerli məhsulların rəqabət qabiliyyətinin və ixrac potensialının  artırılması hədəfləri dövlət siyasətinin prioritet istiqamətləri kimi müəyyən edilmiş və bununla bağlı qəbul olunmuş müvafiq normativ-hüquqi aktlarda və bir sıra dövlət proqramlarında xüsusi tədbirlər nəzərdə tutulmuşdur.

Qeyd edilən istiqamətlərdə müəyyən edilmiş vəzifələrin həyata keçirilməsində aktiv iştirak edən “Azərbaycan Standartlaşdırma İnstitutu” PHŞ ölkə ərazisində standartların hazırlanması və yayımı ilə yanaşı, müəssisə və təşkilatlarda idarəetmə sistemlərinin rəhbər işçilərinin və mütəxəssislərin səriştəliliyini və peşəkarlığını artırmaq, bütün sahələrdə standartların tələblərinə uyğun iş fəaliyyətinin təmin edilməsi məqsədi ilə İnstitut tərəfindən aşağıda sadalanan mövzular üzrə təlim xidmətlərinin təşkili həyata keçirilir.