Malların sertifikatlaşdırılması üçün tələb olunan sənədlər

1

Seriya və partiya ilə istehsal olunan mallar üzrə:

Sifarişçi aşağıdakı sənədləri sifarişə əlavə edir:

1.1

sifarişçi hüquqi şəxs, xarici hüquqi şəxsin filialı və yaxud nümayəndəliyi olduqda, hüquqi şəxslərin dövlət reyestrindən çıxarışının surəti;

1.2

sifarişçi fiziki şəxs olduqda şəxsiyyət vəsiqəsinin surəti;

1.3

sifarişçini səlahiyyətli nümayəndə təmsil etdikdə onun səlahiyyətini təsdiq edən etibarnamənin əsli;

1.4

sifarişçinin vergi ödəyicisi kimi uçota alınması haqqında şəhadətnamənin surəti;

1.5

standartlaşdırma üzrə normativ sənədin rəsmi nüsxəsi;

1.6

mala dair konstruktor sənədləri (mal növünə və seçilmiş sxemə uyğun olaraq);

1.7

mala dair texnoloji sənədləri (mal növünə və seçilmiş sxemə uyğun olaraq);

1.8

mala dair istismar sənədləri (mal növünə və seçilmiş sxemə uyğun olaraq);

1.9

keyfiyyəti idarəetmə sisteminə dair sertifikatın surəti - 2,6,8-ci sxemlər üzrə tələb olunur;

1.10

keyfiyyəti idarəetmə sisteminə dair sertifikatı mövcud olan müəssisənin malı davamlı şəkildə buraxmaq qabiliyyətini təsdiqləyən məlumatı (Əlavə D üzrə tələb olunan məlumat) - 2,6,8-ci sxemlər üzrə tələb olunur;

1.11

akkreditasiyadan keçmiş sınaq laboratoriyalarında aparılmış sınaqların protokolları (mövcud olduqda); 

1.12

materiallara, komplektləşdirici məmulatlara və ya məmulatların tərkib hissələrinə dair uyğunluq sertifikatları və ya sınaq protokolları (mövcud olduqda);

1.13

sertifikatlaşdırılan malın növünə uyğun olaraq uyğunluğun qiymətləndirilməsi zamanı Azərbaycan Respublikasının normativ hüquqi aktlarında və ya texniki reqlamentlərdə nəzərdə tutulmuş digər sənədlər;

1.14

qida məhsulları sahəsində fəaliyyət göstərən subyektlərin qida təhlükəsizliyi qeydiyyatına alınması barədə dövlət reyestrindən çıxarışı.

2

İdxal olunan mal partiyası üzrə:

2.1

alqı-satqı müqaviləsi;

2.2

idxal olunan mallara dair hesab-faktura (invoys);

2.3

sifarişçini səlahiyyətli nümayəndə təmsil etdikdə onun səlahiyyətini təsdiq edən etibarnamənin əsli;

2.4

idxal olunan mala dair xarici mənşəli uğunluq sənədləri;

2.5

laboratoriyaların akkreditasiyası üzrə beynəlxalq təşkilata (İLAC- International Laboratory Accreditation Cooperation) üzv olan Akkreditasiya orqanları tərəfindən akkreditasiya olunmuş sınaq laboratoriyalarının sınaq nəticələri (mövcud olduqda);

2.6

malın istifadə təlimatı (Azərbaycan Respublikasının qanunvericiliyi ilə nəzərdə tutulduqda);

2.7

sertifikatlaşdırılan malın növünə uyğun olaraq uyğunluğun qiymətləndirilməsi zamanı Azərbaycan Respublikasının normativ hüquqi aktlarında və texniki reqlamentlərdə nəzərdə tutulmuş digər sənədlər;

2.8

qida məhsulları sahəsində fəaliyyət göstərən subyektlərin qida təhlükəsizliyi qeydiyyatına alınması barədə dövlət reyestrindən çıxarışı.