ŞRİFTİN ÖLÇÜSÜ
A
A
A
ŞRİFTİN NÖVÜ
Poppins
Serif
RƏNGİN TƏSVİRİ
AZS 883: 2020 (ISO 17523-2016) “Səhiyyə informasiyası – Rəqəmsal reseptlərə dair tələblər” dövlət standartı təsdiq edilmişdir
29 İyun, 2020
Azərbaycan Respublikasında telekommunikasiya və informasiya texnologiyalarının inkişafına dair Strateji Yol Xəritəsinin 7.3.2. Prioritet 3.2. İnteqrasiya edilmiş fasiləsiz elektron səhiyyə infrastrukturunun yaradılması bəndinin icrası məqsədi ilə Azərbaycan Respublikası Səhiyyə Nazirliyinin “Analitik Ekspertiza Mərkəzi” publik hüquqi şəxsi tərəfindən ISO 17523-2016 “Health informatics – Requirements for electronic prescriptions” beynəlxalq standartı əsasında qanunvericiliyə uyğunlaşdırılaraq AZS 883: 2020 (ISO 17523-2016) “Səhiyyə informasiyası- Rəqəmsal reseptlərə dair tələblər” dövlət standartının layihəsi işlənib hazırlanmış və qəbul olunması üçün Azərbaycan Standartlaşdırma İnstitutuna təqdim edilmişdir.
Dövlət standartının layihəsi Azərbaycan Respublikasının Nazirlər Kabineti yanında İcbari Tibbi Sığorta üzrə Dövlət Agentliyi, Azərbaycan Respublikası Səhiyyə Nazirliyi və Azərbaycan Respublikasının Nəqliyyat, Rabitə və Yüksək Texnologiyalar Nazirliyi ilə razılaşdırılmaqla Azərbaycan Standartlaşdırma İnstitutunun 19 iyun 2020-ci il tarixli 202323400039 saylı əmri ilə təsdiq edilmişdir.
Sözügedən dövlət standartının qüvvəyə minməsi təyin edilmiş dərman vasitələrinin nəticə etibarilə təhlükəsiz və etibarlı şəkildə pasiyentə çatdırılmasının və təhlükəsiz istifadəsinin təmin edilməsi məqsədilə sistemlərin tətbiq edilməsinə imkan yaradacaqdır.
AZS 883: 2020 (ISO 17523-2016 “Səhiyyə informasiyası – Rəqəmsal reseptlərə dair tələblər” dövlət standartının qüvvəyə minmə tarixi 19 iyul 2020-ci il müəyyən edilmişdir.
29 İyun, 2020
