ŞRİFTİN ÖLÇÜSÜ
A
A
A
ŞRİFTİN NÖVÜ
Poppins
Serif
RƏNGİN TƏSVİRİ

AZSTAND ilə Səudiyyə Ərəbistanı Krallığının Standartlaşdırma, Metrologiya və Keyfiyyət Qurumu (SASO) arasında görüş keçirilib.
7 Noyabr, 2023

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTAND) və Səudiyyə Ərəbistanı krallığının Standartlaşdırma, Metrologiya və Keyfiyyət Qurumunun (SASO) nümayəndə heyəti arasında görüş keçirilib.

Görüşdə qurumlar arasında standartlaşdırma və uyğunluğun qiymətləndirilməsi sahəsində əməkdaşlığın inkişafı, halal sertifikatlaşdırma sahəsində təcrübə mübadiləsi və qarşılıqlı fəaliyyətlərin təşkili, həmçinin, Səudiyyə Ərəbistanı Krallığına Azərbaycan məhsullarının ixracı məqsədilə məhsulların “G” markalanması və s. məsələləri müzakirə edilib. 
Eyni zamanda, mal və xidmətlərin idxal və ixrac olunması, təkrar ixracat, satış və məhsulların tanıtımı, bu istiqamətdə görüləcək işlərə dair  fikir mübadiləsi aparılıb. 

Qeyd: Görüş 1 noyabr 2023-cü il tarixində Azərbaycan Respublikası Hökuməti ilə Səudiyyə Ərəbistanı Krallığı Hökuməti arasında əməkdaşlığa dair Müştərək Komissiyanın yeddinci iclasının protokoluna əsasən müəyyən edilmiş tədbirlərin icrası və qurumlar arasında qarşılıqlı əməkdaşlığın inkişaf etdirilməsi məqsədilə həyata keçirilib.