ŞRİFTİN ÖLÇÜSÜ
A
A
A
ŞRİFTİN NÖVÜ
Poppins
Serif
RƏNGİN TƏSVİRİ
AZSTANDART nümayəndəsi FransadaTexniki Komitənin iclasında iştirak edib.
11 Oktyabr, 2024
Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutunun (AZSTANDART) nümayəndəsi Fransa Respublikasının Sen-Deni şəhərinə işgüzar səfər edib. Səfər zamanı AZSTANDART əməkdaşı və “Tikinti materialları, məmulatları və konstruksiyaları”nın standartlaşdırılması üzrə Texniki Komitənin (AZSTAND/TK 10) məsul katibi Beynəlxalq Standartlaşdırma Təşkilatı çərçivəsində (ISO) “Zərif keramika” standartlaşdırma üzrə Texniki Komitənin (ISO/TC 206) iclasında iştirak edib.
Fransa Standartlaşdırma Assosiasiyasının (Association française de normalisation – France Standards Body) təşkilatçılığı ilə baş tutan iclasa Azərbaycanla yanaşı Almaniya Standartlar İnstitutu (DİN), Britaniya Standartlar İnstitutu (BSI), Belçika Standartlar İnstitutu (NBN), İtaliya Standartlar Qurumu (UNI), Çexiya Standartlar, Metrologiya və Sınaq İdarəsi (UNMZ), Yaponiya Sənaye Standartları Komitəsi (JISC), Koreya Texnologiya və Standartlar Agentliyi (KATS), Çin Standartlaşdırma İdarəsi (SAC), Malayziya Standartlar Departamenti (DSM) və digər ölkələrin standartlaşdırma üzrə qurumlarından ümumilikdə 81 nümayəndə qatılıb.
Tədbir zamanı sözügedən Komitə tərəfindən təqdim edilmiş beynəlxalq standart layihələrinə dair üzv ölkələr tərəfindən verilən rəy və təkliflərin perspektiv imkanları müzakirə olunub, həmin layihələrin tətbiqi üzrə səsvermə həyata keçirilib.
Daha sonra zərif keramika sahəsində hazırlanması nəzərdə tutulan standart layihələri üzrə müvafiq işçi qrupların nəzdində fəaliyyət göstərmələri üçün ekspertlər təyin edilib.
Sonda Texniki Komitənin gələcək planlarına dair fikir mübadiləsi aparılıb.
11 Oktyabr, 2024
