ŞRİFTİN ÖLÇÜSÜ
A
A
A
ŞRİFTİN NÖVÜ
Poppins
Serif
RƏNGİN TƏSVİRİ
AZSTANDART nümayəndələri Standartlaşdırma, Metrologiya, Sertifikatlaşdırma və Akkreditasiya üzrə Dövlətlərarası Şuranın iclasında iştirak edib
19 Dekabr, 2024
Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutunun (AZSTANDART) nümayəndələri Müstəqil Dövlətlər Birliyi çərçivəsində (MDB) fəaliyyət göstərən Standartlaşdırma, Metrologiya və Sertifikatlaşdırma üzrə Dövlətlərarası Şuranın (МГС) 66-cı iclasında iştirak edib.
Onlayn formatda təşkil olunan iclasa ölkəmizlə yanaşı Belarus, Qazaxıstan, Qırğızıstan, Rusiya və digər ölkələrin standartlaşdırma, metrologiya, uyğunluğun qiymətləndirilməsi və akkreditasiya üzrə milli orqanlarının, o cümlədən MDB İcraiyyə Komitəsinin və Standartlar Bürosunun nümayəndələri qatılıblar.
İclasda istehsal olunan məhsulların keyfiyyətinin və rəqabət qabiliyyətinin yüksəldilməsi, ticarət-iqtisadi, elmi-texniki əlaqələrin gücləndirilməsi üzrə aktual problemlərin həlli istiqamətində standartlaşdırma, metrologiya və uyğunluğun qiymətləndirilməsi sahəsində fəaliyyətin təkmilləşdirilməsinə dair 20-dən çox məsələyə baxılıb.
Tədbirin sonunda Beynəlxalq Standartlaşdırma Təşkilatı (ISO) və Standartlaşdırma, Metrologiya və Sertifikatlaşdırma üzrə Dövlətlərarası Şura (МГС) arasında Əməkdaşlıq Sazişi imzalanıb.
19 Dekabr, 2024
