ŞRİFTİN ÖLÇÜSÜ
A
A
A
ŞRİFTİN NÖVÜ
Poppins
Serif
RƏNGİN TƏSVİRİ
“Əmək sahəsində” standartlaşdırma üzrə Texniki Komitənin iclası keçirilib
16 Dekabr, 2024
Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTANDART) tərəfindən təsis edilən “Əmək sahəsində” standartlaşdırma üzrə Texniki Komitənin (AZSTAND/TK 21) növbəti iclası keçirilib.
Onlayn formatda təşkil olunan iclasda AZSTANDART-la yanaşı Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti, “Azərsun Holding” MMC və digər qurumların nümayəndələri iştirak ediblər.
İclas zamanı ölkədə milli texniki reqlament layihələrinin hazırlanması və qəbuluna dair müzakirələr aparılıb.
Bundan əlavə, 2025-2027-ci illər üzrə “Milli Standartlaşdırma Proqramı”na daxil edilməsi nəzərdə tutulan standartlar müəyyənləşdirilib.
Daha sonra sözügedən Texniki Komitənin cari il üzrə fəaliyyət planına uyğun olaraq hazırlanan 36 milli standart layihəsinin təsdiq edilməsi üçün konsensus əsasında qərar qəbul edilib.
İclasın sonunda “Əmək sahəsində” standartlaşdırma üzrə Texniki Komitənin (AZSTAND/TK21) fəaliyyəti təhlil edilib, gələcəkdə icra edilməsi nəzərdə tutulan tədbirlər ətrafında fikir mübadiləsi aparılıb.
16 Dekabr, 2024
