ŞRİFTİN ÖLÇÜSÜ
A
A
A
ŞRİFTİN NÖVÜ
Poppins
Serif
RƏNGİN TƏSVİRİ
Gender bərabərliyi mövzusunda beynəlxalq seminar keçirilib
13 İyun, 2023
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutunun əməkdaşları Beynəlxalq Standartlaşdırma Təşkilatının (ISO) Özbəkistanın Daşkənd şəhərində təşkil etdiyi “Gender Fəaliyyət Planı (GAP)” adlı beynəlxalq seminarda iştirak ediblər.
7-9 iyun tarixlərində keçirilən seminarın əsas məqsədi ISO-ya üzv dövlətlərə milli Gender Fəaliyyət Planının hazırlanması və həyata keçirilməsi yolu ilə müəssisə və təşkilatların fəaliyyətində gender bərabərliyi ilə bağlı konkret məqsədlərə nail olmaq üçün şərait yaratmaqdan, həmçinin Gender Fəaliyyət Planının monitorinqi və qiymətləndirilməsi üzrə biliklərin verilməsidən ibarətdir.
Beynəlxalq Standartlaşdırma Təşkilatı (İSO) və Özbəkistanın Texniki Tənzimləmə Agentliyinin birgə təşkilatçılığı ilə keçirilən seminarda Azərbaycan, Gürcüstan, Qazaxıstan, Makedoniya, Montaneqro, Qırğızıstan, Tacikistan Respublikaları olmaqla, ümumilikdə 30-dan çox ölkənin milli standartlaşdırma qurumlarının nümayəndələri işrirak ediblər.
Seminarın sonunda iştirakçılara sertifikatlar təqdim edilib.
13 İyun, 2023
