ŞRİFTİN ÖLÇÜSÜ
A
A
A
ŞRİFTİN NÖVÜ
Poppins
Serif
RƏNGİN TƏSVİRİ
İdarəetmə sistemləri sahəsində yeni dövlət standartları qəbul olunmuşdur
28 Fevral, 2021
Milli standartlaşdırma sisteminin beynəlxalq tələblərə uyğunlaşdırılması və ölkədə qüvvədə olan idarəetmə sistemləri sahəsində normativ sənədlərin yenilənməsi məqsədi ilə Azərbaycan Standartlaşdırma İnstitutu tərəfindən beynəlxalq standartlar əsasında AZS ISO/IEC 17021-1-2021 “Uyğunluğun qiymətləndirilməsi. İdarəetmə sistemlərinin auditini və sertifikatlaşdırılmasını aparan orqanlara tələblər. Hissə 1: Tələblər”, AZS ISO/IEC 17021-3-2021 “Uyğunluğun qiymətləndirilməsi. İdarəetmə sistemlərinin auditini və sertifikatlaşdırılmasını aparan orqanlara tələblər. Hissə 3: Keyfiyyəti idarəetmə sistemlərinin auditi və sertifikatlaşdırılması üçün səriştəliyə dair tələblər” dövlət standartlarının layihələri işlənib hazırlanmışdır. Dövlət standartlarının layihələri “Uyğunluğun qiymətləndirilməsi” standartlaşdırma üzrə Texniki Komitədə (AZSTAND/TK08) müzakirəyə çıxarılmışdır.
Yeni dövlət standartları Azərbaycan Standartlaşdırma İnstitutunun 212323400017 və 212323400016 saylı 26 fevral 2021-ci il tarixli əmri ilə təsdiq edilmiş və qüvvəyə minmişdir.
AZS ISO/IEC 17021-1-2021 dövlət standartı idarəetmə sistemləri üzrə audit və sertifikatlaşdırma xidmətlərini göstərən orqanların səriştəsi və qərəzsizliyi ilə bağlı prinsiplər və tələbləri, AZS ISO/IEC 17021-3-2021 dövlət standartı isə keyfiyyəti idarəetmə sisteminin auditi və setifikatlaşdırılması prosesində iştirak edən personalın səriştəliyinə dair xüsusi tələbləri müəyyənləşdirir .
28 Fevral, 2021
