ŞRİFTİN ÖLÇÜSÜ
A
A
A
ŞRİFTİN NÖVÜ
Poppins
Serif
RƏNGİN TƏSVİRİ
ISO-nun standartlaşdırma üzrə Texniki Komitəsinin iclasında iştirak edilib
15 May, 2023
Beynəlxalq Standartlaşdırma Təşkilatının (ISO) sponsonsurluq proqramı ilə (ISO Sponsorship programme) ISO-nun “Zinyət əşyaları və qiymətli metallar” standartlaşdırma üzrə Texniki Komitəsinin (ISO/TC 174) Berlin şəhərində keçirilən iclasında AZSTAND-ın əməkdaşı iştirak edib.
Beynəlxalq Standartlaşdırma Təşkilatının (ISO) üzv olduğumuz “Zinyət əşyaları və qiymətli metallar” standartlaşdırma üzrə Texniki Komitənin (ISO/TC 174) və onun altkomitələrinin (ISO/TC 174 WG1 və ISO/TC 174 WG2) 9-10 may 2023-cü il tarixlərində Almaniya Federativ Respublikasının Berlin şəhərində Almaniya Standartlar İnstitutunun (Deutsche Institut für Normung - DIN) təşkilatçılığı ilə hibrid formatda plenar iclas keçirilib.
İclasda Almaniya Standartlar İnstitutunun nümayəndələri ilə yanaşı, Azərbaycan Standartlaşdırma İnstitutunun (AZSTAND), İtaliya Standartlaşdırma Qurumunun (UNİ), İşveçrə Standartlaşdırma Assosiasiyasının (SNV), Çex Respublikası Standart, Metrologiya və Sınaq İdarəsinin (UNMZ) və digər ölkələrin nümayəndələri iştirak edib.
Qeyd edək ki, Azərbaycan Standartlaşdırma İnstitutunun nümayəndəsi ISO tərəfindən təşkil olunan sponsorluq proqramına (ISO Sponsorship programme) çərçivəsində “Zinyət əşyaları və qiymətli metallar” standartlaşdırma üzrə Texniki Komitənin (ISO/TC 174) iclasında iştirak edib.
İclas vaxtı ISO/TC 174 Strateji Biznes planı, alt qrupların hesabatları və təklifləri, yeni layihələr və digər məsələlər müzakirə olunub.
Almaniya Standartlar İnstitutunun katiblik etdiyi “Zinyət əşyaları və qiymətli metallar” standartlaşdırma üzrə Texniki Komitəsi (ISO/TC 174) 1978-ci ildə yaranmışdır. ISO/TC 174-in əsas məqsədi zərgərlik (məsələn, nömrələmə sistemi, üzük ölçüləri, qiymətli metalların rəngləri və örtükləri, brilyantlar) və qiymətli metallar sahəsində (məsələn, analizlər, nümunələr və s.) standartlaşdırma fəaliyyətini həyata keçirməkdir.
2021-ci ildə “AzerGold” QSC-nın bazasında AZSTAND/TK 36 “Qiymətli metallar və qiymətli daşlar” standartlaşdırması üzrə texniki komitə yaradılmışdır. Bu texniki komitədə “AzerGold” QSC və Azərbaycan Zərgərlik Assosiasiyasından əlavə müxtəlif zinyət əşyaları brendlərinin mütəxəssisləri də iştirak edir. AZSTAND/TK 36-da ISO/TC 174 tərəfindən qəbul edilmiş bir sıra beynəlxalq standart autentik tərcümə edilərək milli standart kimi qəbul edilib.
15 May, 2023
