ŞRİFTİN ÖLÇÜSÜ
A
A
A
ŞRİFTİN NÖVÜ
Poppins
Serif
RƏNGİN TƏSVİRİ
“Qiymətli metallar və qiymətli daşlar” standartlaşdırma üzrə Texniki Komitənin növbəti iclası keçirilib
25 Aprel, 2025
Azərbaycan Standartlaşdırma İnstitutu (AZSTAND) tərəfindən təsis edilən “Qiymətli metallar və qiymətli daşlar” (AZSTAND/TK 36) üzrə Texniki Komitənin növbəti iclası keçirilib.
İclasda “AzərGold” QSC, Azərbaycan Respublikası Prezidentinin işlər idarəsi “Azərsuvenir” MMC, İqtisadi Zonaların İnkişafı Agentliyi, AZPROMO, Azərbaycan Zərgərlər Assosiasiyası və digər aidiyyəti qurum və təşkilatların nümayəndələri iştirak ediblər.
İclas zamanı AZSTAND/TK 36 üzvləri tərəfindən təbəqələr, lentlər, zolaqlar, folqalar, məftillər, borular, profillər, tökmə pəstahlar və digər bu qəbildən olan məhsulların istehsalı üçün nəzərdə tutulmuş qızıl və onun əsasında hazırlanmış ərinti markalarını müəyyən edən dövlət standartının layihəsi müzakirə edilib və konsensus nəticəsində qəbul edilməsi barədə qərara gəlinib.
Beləliklə, yeni dövlət standartının qəbulu məqsədilə Texniki Komitə tərəfindən AZSTAND-a müvafiq qaydada müraciət olunub.
İclasda həmçinin AZSTAND/TK 36-nın tərkibinə yeni üzvlərin qəbul olunması ilə bağlı səsvermə həyata keçirilib.
Sonda Beynəlxalq Standartlaşdırma Təşkilatının (ISO) ISO/TC 174 “Jewellery and precious metals” (Zərgərlik və qiymətli metallar) standartlaşdırma üzrə Texniki Komitənin Fransanın Paris şəhərində keçiriləcək plenar iclasına dair müzakirələr aparılıb.
25 Aprel, 2025
