ŞRİFTİN ÖLÇÜSÜ
A
A
A
ŞRİFTİN NÖVÜ
Poppins
Serif
RƏNGİN TƏSVİRİ
"Tekstil sahəsi"nin standartlaşdırılması üzrə Texniki Komitənin (AZSTAND/TK 45) növbəti iclası keçirilib.
14 May, 2024
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTAND) tərəfindən təsis edilən "Tekstil sahəsi"nin standartlaşdırılması üzrə Texniki Komitənin (AZSTAND/TK 45) onlayn formatda növbəti iclası keçirilib.
İclas zamanı Azərbaycan Respublikası Prezidentinin 23 yanvar 2023-cü il tarixli 3721 nömrəli Sərəncamı ilə təsdiq edilmiş "Milli standartlaşdırma sisteminin beynəlxalq tələblərə uyğunlaşdırılmasına dair 2023-2025-ci illər üçün Dövlət Proqramı"nın Tədbirlər Planına uyğun olaraq beynəlxalq standartlar, o cümlədən tekstil sahəsində mövcud olan digər standart layihələrinə dair rəy və təkliflər təqdim edilib.
Tədbirdə AZSTAND-ın nümayəndələri ilə yanaşı, Səhiyyə Nazirliyinin Respublika Gigiyena və Epidemiologiya Mərkəz, Azərbaycan Metrologiya İnstitutu, “Azərxalça” ASC, “Azəripək” MMC, “MKT İstehsalat Kommersiya” MMC və “Dress Uniform” MMC-nin nümayəndələri iştirak edib.
İclas zamanı Azərbaycan Respublikası Dövlət Gömrük Komitəsinin yeni nümayəndəsi “Tekstil sahəsi"nin standartlaşdırılması üzrə Texniki Komitəyə (AZSTAND/TK 45) səsvermə yolu ilə qəbul edilib.
14 May, 2024
