ŞRİFTİN ÖLÇÜSÜ
A
A
A
ŞRİFTİN NÖVÜ
Poppins
Serif
RƏNGİN TƏSVİRİ
“Yol nəqliyyatı” standartlaşdırılması üzrə Texniki Komitənin növbəti iclası keçirilib
13 Oktyabr, 2023
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTAND) tərəfindən təsis edilən “Yol nəqliyyatı”nın standartlaşdırılması üzrə Texniki Komitənin (AZSTAND/TK 19) növbəti iclası keçirilib.
İclasda Azərbaycan Standartlaşdırma İnstitutunun, Baş Dövlət Yol Polisi İdarəsinin, Bakı Nəqliyyat Agentliyinin, Fövqəladə Hallar Nazirliyinin, Azərbaycan Avtomobil Yolları Dövlət Agentliyinin, “AZAVTOBUS” MMC-nin, Azərbaycan Texniki Universitetinin, “Toyota-Lexus” AADA-nın, Azərbaycan Respublikasının Rəqəmsal İnkişaf və Nəqliyyat Nazirliyinin tabeliyində Azərbaycan Yerüstü Nəqliyyat Agentliyinin nümayəndələri iştirak ediblər.
Görüş zamanı Azərbaycan Respublikası Prezidentinin 2018-ci il 27 dekabr tarixli 852 nömrəli Sərəncamı ilə təsdiq edilmiş “Azərbaycan Respublikasında yol hərəkətinin təhlükəsizliyinə dair 2019-2023-cü illər üçün Dövlət Prorqamı” üzrə Texniki Komitənin üzərinə düşən vəzifələrin müzakirəsi aparılıb və görüləcək tədbirlər müəyyənləşdirilib.
Bununla əlaqədar olaraq, AZS 636-2012 “Yol nəqliyyatı. Ekoloji siniflər” standartında edilmiş AVRO-6 ekoloji sinifinə dair dəyişikliklər layihəsi Texniki Komitə üzvləri tərəfindən yekdilliklə qəbul edilib.
Eyni zamanda, 2023-cü il üzrə Fəaliyyət Planına uyğun görülmüş işlər, o cümlədən 3 dövlət standartı layihəsinin qəbul edilməsi və 1 dövlət standartının dövri yoxlamadan keçməsi barədə konsensus əsasında qərar qəbul edilib.
13 Oktyabr, 2023
