ŞRİFTİN ÖLÇÜSÜ
A
A
A
ŞRİFTİN NÖVÜ
Poppins
Serif
RƏNGİN TƏSVİRİ
AZSTAND-ın təşkilatşılığı ilə ISO/IEC 17043:2023 standartı əsasında daxili auditor təlimi keçiriləcək
23 Aprel, 2026
Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Standartlaşdırma İnstitutunun (AZSTAND) təşkilatçılığı ilə ISO/IEC 17043:2023 “Uyğunluğun qiymətləndirilməsi-Bacarıq sınağı üzrə təminatçıların səriştəliliyinə dair ümumi tələblər” standartı əsasında daxili auditor təlimi keçiriləcək.
Təlim 2026-cı ilin 25-26 may tarixlərində Esenek eğitim mərkəzinin rəhbəri, beynəlxalq təcrübəyə malik təlimçi Halil Çelik tərəfindən keçiriləcək.
Təlimin məqsədi iştirakçıların bacarıq sınağı (Proficiency Testing – PT) proqramlarının beynəlxalq standartlara uyğun şəkildə planlaşdırılması, təşkili, idarə olunması və nəticələrinin qiymətləndirilməsi üzrə bilik və bacarıqlarının artırılmasıdır. Bu təlim Sınaq və kalibrləmə laboratoriyalarının əməkdaşları, keyfiyyət menecerləri, auditorlar, akkreditasiya və uyğunluğun qiymətləndirilməsi sahəsində çalışan mütəxəssislər üçün nəzərdə tutulub.
Təlimin sonunda iştirakçılara ISO/IEC 17043:2023 “Uyğunluğun qiymətləndirilməsi-Bacarıq sınağı üzrə təminatçıların səriştəliliyinə dair ümumi tələblər” standartı üzrə daxili auditor sertifikatı təqdim olunacaq.
Qeydiyyat üçün əlaqəli şəxs: İdarəetmə sistemləri və personalın sertifikatlaşdırılması şöbəsinin Təlim-tədris sektorunun müdiri – Züriyyə Haqverdiyeva
Tel: (+994 12) 514 96 03 (dax:115)
mob: (+994 55) 201 18 60
E-mail: z.hagverdiyeva@azstand.gov.az.
23 Aprel, 2026
